Blog

Ao longo de tres semanas, dez centros educativos de educación infantil e primaria das catro provincias galegas uníronse para vivir como galegofalantes e crear, cunha participación protagonista do seu alumnado, propostas lúdicas de lecer en galego dirixidas a educación infantil e aos tres ciclos de educación primaria e desenvoltas nos tempos de lecer da xornada lectiva. 

Contidos

Cada día da semana as propostas lúdicas de lecer centráronse en desenvolver a competencia lingüística de formas diferentes do seguinte xeito: 

• Os luns falamos (conversas, monólogos, contos, lendas, teatro…)
• Os martes xogamos (xogos de todos os tipos incluíndo xogos de lingua como pasagalegos, tabús, adiviñas…)
• Os mércores facemos ciencia (levamos a cabo propostas lúdicas relacionadas con diferentes disciplinas científicas, xogos de lóxica matemática, de química…)
• Os xoves escribimos e lemos (xogos de escritura creativa, lecturas dramatizadas e propostas de lectura de todos os tipos e para todas as idades)
• Os venres cantamos e bailamos (botamos man de temas musicais tradicionais e modernos para bailalos e cantalos)

10 centros participantes

• CPI Plurilingüe Alfonso VII, Caldas de Reis (Pontevedra)
• CPR Sagrado Corazón, Ribadeo (Lugo)
• CEIP Frei Luís de Granada, Sarria (Lugo)
• CEIP Ramón Otero Pedrayo, O Barco de Valdeorras (Ourense)
• CEIP O Couto (Ourense)
• CPI Virxe da Saleta, San Cristovo de Cea (Ourense)
• CEIP de Prácticas López Ferreiro, Santiago (A Coruña)
• CPI de Atios, Valdoviño (A Coruña)
• CPI Virxe da Cela, Monfero (A Coruña)
• Colexio Divino Maestro, Santiago (A Coruña)

Cada centro adquiriu os seguintes compromisos:

• Desenvolver un programa lúdico para o seu centro durante os quince días lectivos que dura o programa.
• Colaborar con contidos do seu centro neste blog do programa.

Temporalización

Esta iniciativa educativa tivo unha duración de 15 días lectivos e desenvolveuse entre o 10 e o 28 de marzo de 2025.